أسولف على نفسي وأحسبك تسولف لي
أحسبك معي جالس وأنا جالس لحالي
أبنشدك ياالغالي ولاأبيك تحلف لي
هو إنت(( ياالغالي )) مثل ماأنت ياالغالي ؟؟
تكلّم00 قبل حزني من الصمت يعزف لي
جروحٍ بصدري مالها(( أول ولا تالي ))
وقبل ماآصف اشعوري 00أبي منك تاصف لي
شعورك بدوني00 مامعك غير ترحالي00!!
تأسف00؟؟على وشهو حبيبي تأسف لي00؟؟
أنا (( المُر)) لو هو(( مُر)) منك أشربه حالي
أنا من كثر ماأجْهَلَك صرت تعرف لي
وأنا من كثر مااعْرِفْك صرت أجهل أحوالي00!!
إذا جيت أبي أنساك 00 ذكراك تاقف لي
عيوني إذا ماشافتك00جيت في بالي
خيالك معي من وين ماأروح يصدف لي
وأنا كيف أصد أو إني أهرب عن ضلالي
زرعتك (( بوسط القلب )) من شان تقطف لي
زهر عمري اللي راح مني على الخالي
على كثر ماالأحباب باالحب تهتف لي
يصير الحبايب لاهتفت إنت00عذالي
كفايه إليامن جيت مقبل تعطف لي
من قبالتك أنسى همومي وغربالي
وكفايه إليامن قمت باالحب تهتف لي
كأني بهالساعه امحقق آمالي
كأن الغرام اللي إنولد بيننا00 طفلي
أداري غرامك مثل ماأداري عيالي
دخيل البروق اللي بخدك تكاشف لي
ترفق بحالي طالبك (( يابعد حالي ))
وإذا أخطيت ياالغالي علي لاتأسف لي
لأن الخطا منك(( غالي )) ومن (( غالي ))
ممآ رآآق لي
اوووختكم
كوفي
الجمعة أكتوبر 17, 2008 11:55 am
